ჰერბარიუმების შექმნის ხელოვნება

გაინტერესებს მცენარეთა უნიკალური სამყაროს გაცნობა და მათი ხელოვნებად გარდაქმნა? ჩვენს 6 დღიან პრაქტიკულ კურსში, რომელიც ჰაბიტატში ორ ეტაპად ჩატარდება, შეისწავლით ჰერბარიუმის შექმნის სრულ პროცესს – მცენარეთა ბიოლოგიიდან კომპოზიციის საბოლოო ფორმირებამდე.

პირველ ეტაპზე, საველე გასვლებისას, გაეცნობით მცენარეთა შეგროვებისა და კონსერვაციის საფუძვლებს. მეორე ეტაპზე იმუშავებთ ესთეტიკური კომპოზიციების შექმნაზე, როგორც ინდივიდუალურად, ასევე ჯგუფურად. კურსის ბოლოს მონაწილეები წარადგენენ თავიანთ ნამუშევრებს, რომლებსაც შემდეგ სახლში წაიღებენ. ხოლო ჯგუფური ნამუშევარი ჰაბიტატის სივრცეში გამოიფინება.

რას ისწავლი?

  • მცენარეების შეგროვების და კონსერვაციის მეთოდებს

  • სწორი გაშრობის პროცესს და ჰერბარიუმის შექმნის ტექნიკებს 

  • კომპოზიციების შექმნის პრინციპებს

  • ბოტანიკის საფუძვლებს და ჰერბარიუმის ისტორიას

ვისთვისაა კურსი?

  • მათთვის, ვისაც აინტერესებს ბოტანიკა და მცენარეების შემოქმედებითი გამოყენება

  • არტისტებისთვის და დიზაინერებისთვის, ვისაც აინტერესებს ბუნებრივ მასალებთან მუშაობა

კურსი არ მოითხოვს წინასწარ მომზადებას.

კურსის პერიოდი

პირველი ეტაპი: 2-3-4 მაისი

მეორე ეტაპი: 16-17-18 მაისი

ლოკაცია

ჰაბიტატი | ლაგოდეხი

ლექტორები

ნინო ბიწაძე
ნიტა ერისთავი

სტუდენტების რაოდენობა

12 მონაწილე

ღირებულება

1500 ლარი

ტრანსპორტირება, განთავსება და სამჯერადი კვება შედის კურსის ღირებულებაში

შეგიძლიათ ისარგებლოთ განვადებით: საქართველოს ბანკი, TBC

სილაბუსი

    • მცენარეთა საბაზისო ბიოლოგია, სასიცოცხლო ციკლი და ფაქტორები, რომლებიც გავლენას ახდენენ ჰერბარიუმის მასალის შეგროვებასა და მათ კონსერვაციაზე;

    • ჰერბარიუმის წარმოშობა და განვითარების ეტაპები

    • საველე პრაქტიკული ლექცია 

    • საჰერბარიუმო მასალის შეგროვება და მათი კონსერვაცია

    • ადგილობრივ მცენარეთა მრავალფეროვნება

    • მცენარეების ფორმის შენარჩუნების მეთოდები

    • ჰერბარიუმის შექმნის უმთავრესი პროცესი, მცენარის სწორად გაშრობა 

    • თითოეული ყვავილის თუ ფოთლის გამოშრობის თავისებურებები 

    • მოსალოდნელი რისკები და გასათვალისწინებელი ფაქტორები 

    • ინდივიდუალური საშრობების გამოყენებით მცენარის გამოშრობის ყველა საფეხურის პრაქტიკულად შესწავლა.

    • გამომშრალი მცენარეებისგან კომპოზიციების შექმნა 

    • პრაქტიკული სამუშაოების საშუალებით ნამუშევრის შექმნისთვის აუცილებელი კომპონენტების მნიშვნელობის დეტალურად განხილვა: ფერი, ფორმა, ფაქტურა, სწორად შერჩეული ჩარჩო და ა.შ. 

    • პერსონალური და დიდი ზომის ჯგუფური ნამუშევრების შექმნა

    • ნამუშევრების პრეზენტაცია

ლექტორი

ნინო ბიწაძე – ხელოვნებათმცოდნე, ჰერბარიას თანადამფუძნებელი.

ნინოს აქვს თანამშრომლობის გამოცდილება გამწვანების მიმართულებით, ისეთ კომპანიებთან როგორიცაა: საქართველოს ბანკი, თიბისი ბანკი, ეზო ფესტივალი, 4GB ფესტივალი, კავკასიის მედიცინის ცენტრი, საცხოვრებელი კომპლექსი „ბუკნარი“, სხვადასხვა სასტუმროები და კაფე-რესტორნები.

ჰერბარიუმებისთვის მცენარეების შესაგროვებლად მოგზაურობს საქართველოს ყველა რეგიონში, რაც მისი ნამუშევრების უნიკალურობას განაპირობებს.

ჰერბარიას პირველი გამოფენა მნიშვნელოვანი ეტაპი გახდა ქართული ბუნების მრავალფეროვნების წარმოსაჩენად.

ლექტორი

ნიტა ერისთავი – აგრონომი 7 წლიანი გამოცდილებით. ჰერბარიას თანადამფუძნებელი.

ნიტა არის პროექტის მენეჯერი ივრის ფერმებში (Iori Farms) და აქვს მრავალწლიანი გამოცდილება მცენარეთა ბიოლოგიასა და თანამედროვე აგრონომიულ პრაქტიკებში. მისი კარიერა მოიცავს თანამშრომლობას ისეთ პროექტებთან და ორგანიზაციებთან, როგორიცაა Plantshop fabrika, Udabno, Nogaltec Ingenieros, Herbaria და Iori Farms.

ნიტა ასწავლიდა Plant School-ში ფიტოპათოლოგიას და ნიადაგმცოდნეობას ასევე აქვს პედაგოგიური გამოცდილება აგრო საკონსულტაციო კომპანიასა და ჰერბარია-ში.

ლექტორების ნამუშევრები

რეგისტრაცია კურსზე