ჰაბიტატი არის ბუნების შემეცნებითი სივრცე, რომელიც მდებარეობს ლაგოდეხის დაცულ ტერიტორიებთან. ჰაბიტატი აერთიანებს საცხოვრებელ კოტეჯებს, ქოვორქინგ სივრცეს და სათბურებს. სკოლა-რითრითის სტუმრები პროფესიული და სამოყვარულო კურსების გავლით, სწავლობენ ბუნებასთან ჰარმონიულ თანაარსებობას.

ჰაბიტატის პროექტი დაიწყო 2019 წელს, რათა შექმნილიყო ბუნებასთან დაკავშირებული ცოდნის გაზიარების ცენტრი, სადაც ადამიანები ისწავლიდნენ ისეთ დარგებს, როგორიცაა მებაღეობა, ლანდშაფტის არქიტექტურა, ეკოლოგია და სხვა.

ჩვენ გვჯერა, რომ სწავლის საუკეთესო გზა პრაქტიკაა, ამიტომაც ჩვენს სტუდენტებს ვთავაზობთ სრულყოფილ სასწავლო პროგრამებს, რომელშიც თეორიული სწავლება გამყარებულია პრაქტიკული სამუშაოებით.

ჰაბიტატი მდებარეობს ლაგოდეხის დაცული ტერიტორიების უნიკალურ ეკოსისტემაში, სადაც ბუნება თავისი პირველყოფილი სილამაზითაა წარმოდგენილი. აქ, მთებისა და ტყეების გარემოცვაში, იქმნება გარემო, რომელიც სტუდენტებსა და სტუმრებს აძლევს შთაგონებას და ბუნებასთან ჰარმონიული კავშირის დამყარების შესაძლებლობას.

ცოდნის მიღებასთან ერთად ჰაბიტატში ადამიანები ერთმანეთს უზიარებენ გამოცდილებას და იქმნება ახალი მეგობრული კავშირები.

სკოლას გააჩნია საკუთარი სანერგე, სადაც ვაწარმოებთ მრავალწლოვან დეკორატიულ, მარცვლოვან და ბალახოვან მცენარეებს, რათა ხელი შევუწყოთ ეკოლოგიურად მდგრადი გარემოს შექმნას.